Ана сені көрмесем сағынамын,
Ана сенсіз құлазып жабығамын.
Айдай сұлу дидарың нұр шашқанда,
Жұлдызын боп көгінде жағыламын.
Жан анам әлдилеп сен аяладың,
Жаныңды әлдейіңнен аямадың.
Есейіп жан ұямнан ұшсамдағы,
Жолыма көз ілместен қарайладың.
Мерей тойың анашым құтты болсын,
Алақандай ақ жұзің нұрға толсын.
Бұл әлемді шарлаған бақыт құсы,
Аялаған қолыңа келіп қонсын.
Жан анам әлдилеп сен аяладың,
Жаныңды әлдейіңнен аямадың.
Есейіп жан ұямнан ұшсамдағы,
Жолыма көз ілместен қарайладың.
Жан анашым, сен барда құламаймын,
Сүрінсемде өкініп жыламаймын.
Аман есен жанымда жүре берші,
Тәңірімнен басқаны сұрамаймын.
Жан анам әлдилеп сен аяладың,
Жаныңды әлдейіңнен аямадың.
Есейіп жан ұямнан ұшсамдағы,
Жолыма көз ілместен қарайладың.
