"Yaş o yaş deyil"
Söz: Fikrət Qoca
Mus: Yeganə Axundova
1.
Sən mənim ən əziz sirrim, istəyim,
Sən mənim ən acı həqiqətimsən.
İtmiş gəncliyimdən soraq gətirən,
Sən mənim sonuncu məhəbbətimsən.
Nəqarət:
Yaş o yaş deyil ki, yolunu kəsim,
Yaş o yaş deyil ki, sənə yalvarım.
Təzədən başlayım, barışım, küsüm,
On yeddi yaşında cavanlar kimi.
Yaş o yaş deyil ki, səni izləyim,
Gəlib, saatlarla vədə gözləyim.
Yaş o yaş deyil ki, heyif ki, deyil.
Heyif, yaş o yaş deyil...
2.
Səni hər görəndə çaşıram düzü,
Dilimi dişləyib demirəm sözü.
Özümü odlara toxuyum yenə?
Görənlər, bilənlər nə deyər mənə?!
