Ұстазым
1.Арамызда жүргеніңді,
Бірге ойнап күлгеніңді,
Сағынады шәкірттерің кетсе де ұзап.
Алға қарай жетеледің,
Балапандай мәпеледің,
Тілегіміз бақытты өмір сүріңіз ұзақ.
Маңдайымнан сипаған,
Білім нәрін сыйлаған,
Біздер үшін, біздер үшін сен сыйлы адам.
Қайырмасы:
Ұстазым, ұстазым,
Құшағыңыз шіркін, кең екен.
Арқа сүйеп демеген
Нағыз досым сен екен.
2.Өмірімнің бұлағысың,
Көңілімнің шырағысың,
Бірге өтті өзіңменен талай күндерім.
Адам болсын осылар деп,
Шәкіртіңе бақыт тілеп,
Өтті ұзақ көз ілмеген талай күндерің,
Алдыңызда баламыз,
Әлі-ақ өсіп толамыз,
Әзірге біз сіздер үшін ән саламыз.
