საქართველო არწივების
საქართველო დედამიწის ყვავილნარია
სილამაზით ზღაპრად თქმული ნატვრის თვალია,
სინარნარით პირი მზის და პირი მთვარისა
საპატარძლო სამკაული ზურმუხტ-ლალისა.
საქართველო არწივების დედა მშობელი
უჭკნობელი სიყვარულის წარმომშობელი
მტერს უტევდა ერთი ასსაც არ უდრკებოდა
გულს უკლავდნენ გმირი მაინც არა კვდებოდა
სოლო ------------------------
ბევრჯერ სისხლით შეგვიღებეს მტკვარი რიონი,
მაგრამ მონად ვერ აქციეს კავკასიონი
საქართველო, რუსთაველის ტკბილი მშობელი
ერეკლეს და სააკაძის წარმომშობელი.
არ მომკვდარა ცოცხალია უფრო მშვენდება,
ცოცხალია არასოდეს არ დაბერდება
საქართველო გულში ვარდად ამყვავებია
მასზე მეტად თვით სიცოცხლეც არ მყვარებია
