"Daha məndə dözüm yox"
Söz: Dəmir Gədəbəyli
Mus: Elza İbrahimova
Nəğmə dolu bir dünyama
Göz açmışdı o gözlər.
Bir ömürlük məhəbbətdən
Söz açmışdı o gözlər.
Niyə birdən yoxa çıxdı
O bəxtəvər gülüşlər?
Niyə məni belə yıxdı
O bəxtəvər gülüşlər?
Nəqarət:
Gəl, gəl, gülüm, gəl görüşə,
Hicranına dözməz ürək.
Həsrət mənə bir dağ olar!
Gəl, gəl, gülüm, gəl görüşə.
Ağlamasın salxım söyüd,
Göz yaşları bulaq olar...
Kövrək, göyçək arzularla
Gəl ömrümə, günümə.
Sənsiz ürək haray çəkir,
Yet səsimə, ünümə.
Bu eşq məni öldürsə də,
Yalvarmağa üzüm yox.
İnsafsızlıq yetər, gülüm,
Daha məndə dözüm yox.
