Алақаннан ұшқан аққуым,
Барасың ұзап шалғайға,
Қанатың, қалқам, талмай ма?
Жаныңа медет болғай да
Қанатың, қалқам, талмай ма?
Жазылған тағдыр маңдайға.
Желкiлдеп өскен құрағым,
Еркiндеу өскен, шырағым.
Əкеңнiң бар ма (й) арманы,
Табылса теңiң, сыңарың.
Қарлығаш қанат, қарағым,
Қайырлы болсын қадамың.
Өзiңсiң ендi елшiсi
Кең жайлау – екi араның.
Өзiңсiң ендi елшiсi
Кең жайлау – екi араның.
Алақаннан ұшқан ақ құсым,
Бiр үйге сен де бақпысың…
Алыстап бара жатқаның
Арқама менiң батты шын.
Жақсыда жаттық болар ма,
Жаманға көңілiң толар ма.
Жұбыңмен келiп тұрғайсың,
Жалғыздан-жалғыз оралма.
Жұбыңмен келiп тұрғайсың,
Жалғыздан-жалғыз оралма.
Қош аман, қызым, қош аман,
Көңiлiмдi қайтем босаған.
Алдыңнан ашсын бағыңды,
Аттаған жаңа босағаң.
Алдыңнан ашсын бағыңды,
Аттаған жаңа босағаң.
Аттаған жаңа босағаң…
