Արևը փայլեց
Արևը փայլեց, սիրո հուր փռեց
Երկիրը տաքացրեց, ձմռան քնից արթնացրեց:
Հալվող ձյան տակից աչիկները թաց
Բացեց և ժպտաց ձնծաղիկը նոր ծնված:
Չորացած տերևն դեռ կախված ծառից
Թաքուն արտասվեց նոր գարնան սիրո բույրից,
Եվ ներքո հանդարտ քամու նվագի
Բաժանվեց ծառից՝ պարելով դարձավ հողին:
Քամու նվագին միացավ նաև առուն
Քչքչաց աճեց և վազեց դեպի հեռուն
Արևի սիրուց զմայլված սիրահարված ,
Երկնի թռչուները երգեցին նրանց միացած
Գարուն է եկել, գարուն է եկել:
Արևը փայլեց, սիրո հուր փռեց,
Խունացած սրտում հույսի նոր կրակ վառեց,
Հուսահատությունը հավետ հեռացավ,
Խոցը բժշկվեց ու վերքերն առողջացան։
Տխրություն անցավ, սուգը դադարեց,
Եվ ուրախությունն սիրո զորությամբ հաղթեց։
Շղթան կոտրվեց, խավարն հեռացավ,
Գերին արձակվեց ու ազատություն ստացավ։
Սիրտը բխեցրեց շնորհակալության աղոթք՝,
Սիրո արևից անվերջ ընդունելով շնորք,
Քնար ու տավիղ հնչեցրին նոր տաղ ու երգ,
Կյանքն իմաստավորվեց, հյուսելով անուշ մի օրներգ.
Հիսուսն է եկել Հիսուսն է եկել Հիսուսն է եկել ...
